حاملہ خاتون اجتماعی زیادتی کا شکار، حالت تشویشناک
4 ڈاکو گھر میں نقدی اور زیورات چوری کرنے کے لئے گھسے تھے، خاتون کو گھر پر دیکھ کر اجتماعی زیادتی کا نشانہ بنا ڈالا
کورونا وائرس کی وجہ سے اس وقت ملک بھر میں لاک ڈاؤن جاری ہے ۔ امید کی جا رہی تھی کہ شاید اس دوران چوری اور زیادتی کے واقعات دیکھنے میں نہیں ملیں گے کیونکہ ہر انسان اس وقت پریشان ہے۔ لیکن کچھ لوگ اس برے وقت میں بھی انسانیت کے خلاف ہیں۔ گوجرانوالہ میں پیش آنے والے واقع نے سب کو حیران کر دیا ہے جہاں 4 ڈاکوؤں نے ایک حاملہ خاتون کو زیادتی کا نشانہ بنا ڈالا ہے۔
تفصیلات کے مطابق ڈکیتی کے دوران ڈاکووں نے حواکی بیٹی کوہوس کا نشانہ بناڈالا۔ تھانہ سبزی منڈی کے علاقے میں چارڈاکو گھرمیں داخل ہوئے نقدی اور زیورات لوٹے. ڈکیتی کی واردات کے دوران ڈاکوؤں نے خاتون کو زیادتی کا نشانہ بنا ڈالا۔ نقدی اور زیورات اکٹھے کرنے کے بعد خاتون کو گھر دیکھ کر ڈاکوؤں نےبدفعلی کی جس کے بعد وہ فرار ہو گئے۔
اہلیان محلہ کو جب اس واقع کی اطلاع ہوئی تو خاتون کو اس کے بعد سول ہسپتال منتقل کر دیا گیاہے جس کے بعد اس کی حالت تشویشناک بتائی جا رہی ہے جبکہ خاتون نے اس ضمن میں وزیراعلیٰ پنجاب عثمان بزادر سے انصاف کی اپیل کی ہے۔
پاکستان میں اس وقت کورونا وائرس کی وبا پھیلی ہوئی ہے جس کے نتیجے میں ہر طرف خوف پھیلا ہوا ہے، لیکن جرائم کرنے والے افراد پر اس کا با لکل اثر نہیں ہو رہا۔ وہ معمول کے مطابق لوگوں کو لوٹ رہے ہیں، ظلم کر رہے ہیں ا ور زیادتی کےواقعات بھی منظر عام پر آ رہے ہیں۔ پولیس کی جانب سے شہر لاہور سمیت مختلف علاقوں میںکارروائیاں بھی کی جا چکی ہیں جس کےنتیجے میں بہت سے افراد کو گرفتار بھی کرلیا گیا ہےلیکن ابھی لاک ڈاؤن کے بعد بھی جرائم کی شرح میں کمی نہیں آ سکی۔
No comments:
Post a Comment