Humor on Shahid Afridi, Gautam Gambhir had to suffer from mouth problems

شاہد آفریدی پر طنز، گوتم گھمبیر کو منہ کی کھانا پڑگئی

ٹی ٹونٹی ورلڈ کپ فائنل میں75 رنز بنائے تھے:سابق بھارتی بلے باز، آپکی پاکستان کیخلاف ٹیسٹ اوسط بدترین ہے:سوشل میڈیا صارف کا جواب

قومی ٹیم کے سابق کپتان شاہد آفریدی پر تنقید کرنا گوتم گمبھیر کو مہنگا پڑ گیا، شاہد آفریدی کے مداح نے بھارتی کھلاڑی کو کرارا جواب دے کر ان کی بولتی بند کرادی۔تفصیلات کے مطابق پاک بھارت میچ کے درمیان کھلاڑیوں کے درمیان ہونے والی گرما گرمی کوئی نئی بات نہیں ہے، ماضی میں شاہد خان آفریدی اور گوتم گمبھیر کی دوران میچ لڑائی ہوئی تھی، جس میں گوتم گمبھیر مغلظات بکتے ہوئے نظر آرہے تھے بعد میں امپائر نے معاملہ سلجھایا تھا۔

گوتم گھمبیر نے پانچ گھنٹے قبل ایک ٹویٹ میں لکھا کہ ’کوئی نہیں جانتا کہ آفریدی کی عمر کیا تھی، لیکن میرے ریکارڈ سب کو یاد ہیں، شاہد آفریدی میں آپ کو یاد دلاتا ہوں، 2007ء کےٹی ٹونٹی ورلڈ کپ فائنل میں 54 گیندوں پر 75 رنز بنائے تھے اور اس میچ میں آفریدی بغیر کوئی رن بنائے آؤٹ ہوئے اور ہم ورلڈ کپ جیت گئے تھے۔

گوتم گھمبیر نے مزید کہا کہ اور ہاں میں جھوٹوں کے بارے میں اپنا ایسا ہی جارحانہ رویہ رکھتا ہوں۔

بھارتی کھلاڑی کے ردعمل میں پاکستانی نوجوان حسن شیغان نے گوتم کو کرارا جواب دیتے ہوئے کہا کہ ’اپنا موازنا نمبر 7 کے بیٹسمین سے کررہے ہو، ٹی ٹونٹی گیم آپکے احساس کو ظاہر کرتا ہے۔حسن شیغان نے یہی پر بس نہیں کیا بلکہ ریکارڈ سامنے رکھ کر گوتم گمبھیر کو لاجواب کردیا، ٹویٹر صارف نے لکھا کہ ’تمہارے پاکستان کیخلاف ٹیسٹ میچز میں 187 رنز 26.71 کی اوسط سے ہیں اور یہ کسی بھی ٹیم کیخلاف سب سے کم رنز ہیں۔

دوسری جانب شاہد آفریدی کے بھارت کے خلاف ٹیسٹ میچز میں 709 رنز 47.26 کی اوسط سے ہیں جس میں تین سنچریاں بطور اوپنر شامل ہیں‘۔

ایک اور سوشل میڈیا صارف نے گوتم گھمبیر کو یاددلایا کہ اسے مین آف دی میچ پھر بھی نہیں ملا اور عرفان پٹھان یہ ایوارڈ  یہ ایوارڈ لے گیا جبکہ اسی ٹورنامنٹ میں ’مین آف دی ٹورنامنٹ‘ کا ایوارڈ شاہد آفریدی کو ملا تھا۔ لے گیا جبکہ اسی ٹورنامنٹ میں ’مین آف دی ٹورنامنٹ‘ کا ایوارڈ شاہد آفریدی کو ملا تھا۔

ایک سوشل میڈیا صارف نے گوتم گھمبیر کو بھارت کے خلاف وہ میچ یاددلایا جب پاکستان کے 9 کھلاڑی آؤٹ ہوچکے تھے، 4 گیندوں پر 9 رنز کی ضرورت تھی اور شاہد آفریدی اکیلے کھڑے تھے اور شاہد آفریدی نے مسلسل دو چھکے مار 

کر ایک ہارا ہوا میچ جتوادیا تھا۔

ایک اور سوشل میڈیا صارف نے گوتم گھمبیر کا وہ کلپ شئیر کیا جب دوران میچ غیر ملکی کمنٹیٹر جیفری بائیکاٹ گوتم گھمبیر کو Rubbishکہتے نظر آئے۔

گوتم گھمبیر کو بھارتی بھی آئینہ دکھانے میں پیچھے نہ رہے۔ ایک بھارتی نے آئینہ دکھاتے ہوئے گوتم گھمبیر سے کہا کہ میچ ٹیم ورک سے جیتا جاتا ہے۔ آپ ایسے ظاہر کررہے ہیں جیسے صرف آپ نے ہی پرفارمنس دکھائی باقی 10 کھلاڑیوں نے تو کچھ نہیں کیا۔ اگر آپ یہ کہتے ہیں کہ آپ نے اکیلے میچ جتوایا تو یہ غلط بات ہے