Punjab Text Book Board made official books online

پنجاب ٹیکسٹ بک بورڈ نے سرکاری کتب آن لائن کر دیں

اب والدین اپنے بچوں کا نصاب انٹرنیٹ سے ڈاؤن لوڈ کر کے انہیں گھروں میں پڑھا سکتے ہیں

کورونا وائرس کی وجہ سے اس وقت ملک بھر میں لاک ڈاؤن جاری ہے ۔ لاک ڈاؤن کی وجہ سے بہت سے کام متاثر ہو گئے ہیں۔ شعبہ تعلیم بھی کورونا وائرس کاشکار ہو گیا ہے جس کے بعد بچوں کی تعلیم کا نقصان ہو رہا ہے۔ انہی مشکلات اور والدین کی شکایات دیکھتے ہوئے پنجاب ٹیکسٹ بک بوڑ ڈ نے اپنی کتابیں آن لائن کر دیں ہیں جس کے بعد والدین اپنے بچوںکا نصاب انٹرنیٹ نے ڈاؤن لوڈ کرکے انہیں گھر میں تعلیم دے سکتے ہیں۔

طویل ہوتے لاک ڈاؤن کے بعدوالدین بچوں کی کتابیں نہ ملنے اور تعلیمی سال متاثر ہونے پر پریشان ہوئے تو پنجاب ٹیکسٹ بک بورڈ نے سرکاری کتب آن لائن کر دیں ہیں تا کہ والدین کی یہ پریشانی ختم ہو جائے اور ان کی بچوں کی تعلیم کا سلسلہ چلتا رہے۔

سرکاری اسکولوں کے علاوہ اب نجی سکولوں نے بھی اپنی کتابیں آن لائن کر دی ہیں جبکہ کچھ سکول بچوں کو واٹس اپ کے ذریعے تعلیم دے رہے ہیں۔

پنجاب ٹیکسٹ بک بورڈ کے اقدام کو خوش آئند قرار دیتے ہوئے والدین نے کہا کہ ان کی مشکل کا حل نکل آیا۔ کتابوں کی عدم دستیابی کی وجہ سے وہ بہت پریشان تھے۔اس کے علاوہ محکمہ تعلیم پنجاب نے چھٹیوں میں بچوں کی تعلیم کو جاری رکھنے کی غرض سے ہر گھر بنے اسکول پروگرام بھی متعارف کرا دیا ہے۔ جس کے تحت بچوں کے لیے کیبل پر چیلنز مختص کر دیے گئے ہیں۔

یاد رہے کہ ملک میں جاری کورونا وائرس کی صورتحال کو مدنظر رکھتے ہوئے تعلیمی اداروں میں 31 مئی تک چھٹیاں کر دی گئی ہیں۔ وفاقی وزیر تعلیم شفقت محمود کا کہنا تھا کہ چھٹیوں کوموسم گرما کی تعطیلات سمجھا جائے۔ اگر کورونا وائرس کا مسئلہ حل ہوگیا تو تعلیمی ادارے جون میں دوبارہ کھل جائیں گے۔ لیکن جب تک سکول نہیں کھل جاتے، تب تک پنجاب ٹیکسٹ بک بورڈ نے اپنی کتب آن لائن کر دی ہیں تا کہ بچوں کی تعلیم کا سلسلہ جاری رہے۔